विष्णु पौडेल अर्थमन्त्री पक्का भएसँगै शेयर बजारमा फर्कियो उत्साह, ७ अर्बको कारोबार

अर्थ

गृहपृष्ठ
अर्थ

विष्णु पौडेल अर्थमन्त्री पक्का भएसँगै शेयर बजारमा फर्कियो उत्साह, ७ अर्बको कारोबार

नेपालकभर आइतबार, असार ३०, २०८१

काठमाडौं । एमाले अध्यक्ष केपी शर्मा ओली नेतृत्वको सरकारको अर्थमन्त्री विष्णु पौडेल पक्का भएसँगै शेयर बजारमा उत्साह फर्किएको छ । साताको पहिलो कारोबार दिन आइतबार शेयर बजार मापक नेप्सेमा उत्साहजनक बढोत्तरी भएको छ । यस दिन नेप्से परिसूचक ५२ दशमलव ९७ अंकले बढेर २२५७.५९ विन्दुमा उक्लियो ।

आइतबार ३०९ कम्पनीको २२ लाख ४७ हजार ३२७ कित्ता शेयर किनबेच हुँदा ७ अर्ब ६२ करोड बढीको कारोबार भयो । यो कारोबार २०८० माघ ७ गतेयता कै उच्च हो । माघ ७ गते आइतबार ७ अर्ब ६७ करोड ७७ लाख रुपैयाँ कारोबार भएको थियो । आजको कारोबार त्यसयता कै सर्वाधिक हो ।

यसदिन ११ उपसूचकमा हरियाली आएको छ । आइतबार बैंकिङ समूहको ३.७४ प्रतिशत, विकास बैंक समूहको १.२० प्रतिशत, फाइनान्स समूहको १.३३ प्रतिशत, होटल तथा पर्यटन समूहको १.०७ प्रतिशतले शेयर मूल्य बढ्यो । आइतबार चार कम्पनीको शेयरमा सकारात्मक सर्किट लागेको छ ।

नयाँ गठन हुन लागेको सरकारमा विष्णु पौडेल उपप्रधानसहित अर्थमन्त्री बन्ने पक्का भएसँगै शेयर बजारले पुर्नजीवन पाएको अड्कल काट्न थालिएको छ ।

प्रकाशित मिति: आइतबार, असार ३०, २०८१ १५:०८

प्रतिक्रिया दिनुहोस्