टिआरसी विधेयक प्रमाणिकरणलगत्तै अमेरिकासहित ९ देशले गरेको स्वागत

राजनीति

गृहपृष्ठ
राजनीति

सकारात्मक सन्देश टिआरसी विधेयक प्रमाणिकरणलगत्तै अमेरिकासहित ९ देशले गरेको स्वागत

नेपालकभर बिहीबार, भदौ १३, २०८१

काठमाडौं । राष्ट्रपतिबाट संक्रमणकालीन न्यायासम्बन्धी (टिआरसी) विधेयक प्रमाणीकरण हुनासाथ अमेरिका, बेलायतलगायत ९ देश र युरोपियन युनियनले स्वागत गरेका छन् । आइतबार ती देशका तर्फबाट जारी संयुक्त विज्ञप्तिमा संक्रमणकालीन न्यायसम्बन्धी विधेयक नेपालको दुबै सदनबाट सर्वसम्मत रुपमा पारित भई राष्ट्रपतिबाट प्रमाणिकरण भएकामा स्वागत गरिएको छ ।

हालै बेपत्ता पारिएका व्यक्तिको खोजी तथा सत्य निरुपण तथा मेलमिलाप आयोगसम्बन्धी ऐन नेपालको संघीय संसदको दुबै सदनले पारित गरेका थिए र बिहीबार राष्ट्रपतिबाट प्रमाणीकरण भएको छ ।

अमेरिका, बेलायत, जर्मनी, फ्रान्स, अष्ट्रेलिया, जापान, स्वीटजरल्याण्ड, नर्वे, फिनल्याण्ड र युरोपियन युनियनले उक्त विधेयकको स्वागत गर्दै आफूहरु पीडितको हितका लागि नेपाल सरकारलाई सहयोग पुग्ने सम्भावित संयन्त्रहरूको खोजी गर्ने बताएका छन् । ‘निर्णय प्रक्रियाहरूमा पीडितको निरन्तर सहभागिताले सत्य निरूपण तथा मेलमिलाप ऐनको प्रभावकारी कार्यान्वयनमा सहयोग पु¥याउनेछ’, संयुक्त वक्तव्यमा भनिएको छ ।

९ देश र युरोपियन युनियनले सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगलाई प्रभावकारी रूपमा काम गर्न सघाउन के–कस्ता आवश्यकताहरू छन् भन्ने विषयमा नेपाल सरकारबाट जान्न तत्पर रहेको पनि उल्लेख गरेका छन् ।

प्रकाशित मिति: बिहीबार, भदौ १३, २०८१ १७:४७