विस्फोटक पदार्थ पड्कँदा १ बालिकाको मृत्यु, ३ बालक घाइते

समाज

गृहपृष्ठ
समाज

विस्फोटक पदार्थ पड्कँदा १ बालिकाको मृत्यु, ३ बालक घाइते

नेपालकभर शुक्रबार, भदौ १४, २०८१

पाँचथर। पाँचथर जिल्लाको फालेलुङ गाउँपालिका वडा नम्बर ५ मा बिहीबार साँझ भएको विस्फोटमा परी १ जना बालिकाको मृत्यु भएको छ ।

विस्फोटक पदार्थ विस्फोट हुँदा घाइते भएका चार बालबालिका मध्ये २ वर्षीया प्रिन्सा साँवाको उपचारका क्रममा झापाको विएनसीअस्पताल लाँदै गर्दा बाटोमा मृत्यु भएको हो ।

विस्फोटमा परी ११ वर्षीय दिपशन साँवा गम्भीर घाइते छन । उनलाई पनि जिल्ला अस्पताल पाँचथरमा उपचार हुन नसकेर थप उपचारको लागि झापाको बी एण्ड सी अस्पतालमा रेफर गरिएको छ।

त्यसैगरी ११ वर्षीय पबन राईको जिल्ला अस्पताल पाँचथरमा उपचार भइरहेको छ । ७ वर्षीय दिपशन राई सामान्य घाइते भएकाले स्थानीय स्वास्थ्य चौकी प्राङ्बुङमा उपचार भइरहेको जिल्ला प्रहरी कार्यालय पाँचथरले जनाएको छ।

डाडागाउँ भन्ने स्थानमा आइतराज केरुङको घरमा विष्फोट भएको थियो ।

सुरक्षाकर्मीले विस्फोट भएको ठाउँमा ‘होममेड ग्रिनेट’ फेला पारेको छ।

घटना कसरी भयो भन्ने बारेमा अनुसन्धान भइरहेको र थप विवरण आइनसकेको प्रहरीले जानकारी दिएको छ ।।

प्रकाशित मिति: शुक्रबार, भदौ १४, २०८१ ०५:५५