डियबी मल्टिकल्चरल फुटबल कप हङकङमा नेपाली समुदायको प्रतिनिधित्व

खेल

गृहपृष्ठ
खेल

डियबी मल्टिकल्चरल फुटबल कप हङकङमा नेपाली समुदायको प्रतिनिधित्व

नेपालकभर मंगलबार, पुस १६, २०८१

काठमाडौं । हङकङमा गणतन्त्र चीनको १५औं राष्ट्रिय खेलकुद र बहुसाँस्कृतिक फुटबल प्रतियोगिता २०२४ सम्पन्न भएको छ । युङलोङ स्थित खेलमैदानमा सम्पन्न प्रतियोगितामा एकस य जना खेलाडीले विभिन्न टिममार्फत सहभागिता जनाएका थिए ।

१५औ राष्ट्रिय खेलकुदलाई स्वागत गरौं भन्ने मूल नाराका साथमा आयोजित प्रतियोगितामा नेपालीहरुको प्रतिनिधित्व गर्दै युङलोङ ईगल्स र एलजी फाउन्डेसन सामेल भएका थिए ।

हङकङमा रहेका अल्पसंख्यक जातीहरु नेपाल, भारत, फिलिपिन्स, बंगलादेश लगायतका देशहरुका युवाहरुमा एकता, भातृत्व र जातीय एकीकरणको प्रवद्र्धनका लागि प्रतियोगिता आयोजना गरिएको आयोजक डियबी (अल्पसंख्यक जातीय समिती) युङलोङ शाखाखाले जनाएको छ ।

उत्साहजनक उपस्थितीबीच सम्पन्न प्रतियोगितामा उपस्थित संस्कृति खेलकूद तथा पर्यटन सचिव श्रीचिउले यो प्रतियोगिताले अल्पसंख्यक समुदायको सेवा र योगदानको लागि सरकारबीच सञ्चारको पुलको काम गर्ने बताए । समुदायको हितको लागि आगामी दिनमा खेलकुद र जातीय सद्भावका कार्यक्रमलाई अझ महत्व दिने बताए ।

कार्यक्रममा जातीय अल्पसंख्यक समितिका उपाध्यक्ष जेसन चोङ, चिनियाँ जन राजनैतिक परामर्शदात्री समितिका सदस्य लेउङ, युङलोङ जिल्ला कार्यालयका सहायक जिल्ला अधिकारी मिस ओएनजी केई लगायत विभिन्न तहका सरकारी प्रतिनिधिहरुको उपस्थित रहेको थियो ।

सहभागी टिम मध्ये युङलोङ ईगल्सले सेकेन्ड रनरअपको उपाधि पाएको थियो । सहभागी टिम एलजी फाउण्डेशनका निर्देशन चेतन गुरुङ भन्छन् विदेशी भूमिमा स्थानीय सरकारको तर्फबाट भएको सहयोग र अवसरले जातीय अल्पसंख्यक समुदायको उत्थान, एकीकरण र हितमा प्रत्यक्ष सहयोग गरेको छ ।

प्रकाशित मिति: मंगलबार, पुस १६, २०८१ २०:३८