विवाह गर्न भागेको जोडी घरभित्रै मृत फेला

समाज

गृहपृष्ठ
समाज

विवाह गर्न भागेको जोडी घरभित्रै मृत फेला

नेपालकभर शनिबार, माघ १२, २०८१

रुकुमपश्चिम । रुकुमपश्चिमको त्रिवेणीको एक जोडी मृत अवस्थामा फेला परेका छन्। गाउँपालिकाको–४ खुम्चेरीमा केटाकेटी एउटैका कोठामा मृत अवस्थामा फेला परेका हुन्।

त्रिवेणी गाउँपालिका–४ का वडाध्यक्ष नन्नराम बाँठाका अनुसार भागिराम खड्काको छोरा लोकेन्द्र खड्का र वडा नम्बर ६ की सपना पुन मगर लोकेन्द्रको घरमा मृत अवस्थामा फेला परेका हुन्।दुबै जना १९ वर्ष उमेरको रहेका बताइएको छ ।

चार दिनअघि विवाहका लागि लोकेन्द्रले सपनालाई भगाएर ल्याएका थिए । वडाध्यक्ष बाँठाका अनुसार शनिबार बिहान लोकेन्द्रको अस्थायी टहरामा दुवै जना मृत अवस्थामा फेला परेका हुन्।

लोकेन्द्रको आमा बिरामी भएपछि बुवाको साथमा उपचारका लागि नेपालगञ्ज गएको बेला घरमा यस्तो घटना भएको हो। एक मात्र छोरा लोकेन्द्रको एक जना बहिनी हुनुहुन्छ । काठमाडौंमा अध्ययनरत छोरीको साथमा बुवाआमा नेपालगञ्जबाट फर्कदै गर्दा यस्तो घटना सार्वजनिक भएको हो।

प्रहरीले बुवाआमा आएपछि मात्रै आवश्यक कानुनी प्रक्रिया सुरु गरेर घटनाको अनुसन्धान गर्ने जनाएको छ। स्थानीयका अनुसार लोकेन्द्र झुन्डिएको अवस्थामा फेला परेका हुन् ।

प्रकाशित मिति: शनिबार, माघ १२, २०८१ १५:५८