सिन्धुपाल्चोकमा प्रेमिका भेट्न गएका दिनेशको हत्या भएको आशंका, घटना सामसुम पार्ने प्रयास

समाज

गृहपृष्ठ
समाज

सिन्धुपाल्चोकमा प्रेमिका भेट्न गएका दिनेशको हत्या भएको आशंका, घटना सामसुम पार्ने प्रयास

नेपालकभर शनिबार, माघ १९, २०८१

काठमाडौं । सिन्धुपाल्चोकको भोटेकोशी गाउँपालिका २ मा प्रेमिका भेट्न गएका अन्दाजी २२ वर्षीय दिनेश विकको हत्या भएको आशंका गरिएको छ । सिन्धुपाल्चोक प्रहरी प्रवक्ता उमाशंकरप्रसाद यादवले तातोपानी नुहाउन गएका दिनेश प्रेमिका भेट्न पुगेका बेला घटना भएको बताउनु भयो ।

दिनेशलाई घटनास्थलमा गम्भीर घाइते अवस्थामा भेटेको र बाह्रविसे अस्पताल लैजाँदा मृत्यु भएको उनले बताएका छन् । हाल दिनेशको शव बाह्रविसे अस्तालमा रहेको र प्रेमिका भनिएकी युवतीलाई प्रहरीमा बोलाएर सोधपुछ भइरहेको उनको भनाइ छ । भोटेकोशी १ कोदारीका दिनेश वडा नम्बर २ को भ्यु प्वइन्ट नजिक घाइते अवस्थामा भेटिएका थिए ।

प्रेमिका पक्षधर र प्रहरीले दिनेशको लडेर मृत्यु भएको बताए पनि मृतक पक्षधरले घटना शंकास्पद रहेको र घटनास्थलको अवस्था तथा मृतकको शरीरमा देखिएका घाउ चोट तथा निसानले हत्या नै भएको हुनसक्ने जिकिर गरेका छन् । उनीहरुले घटना सामसुम पार्न प्रहरी समेतलाई प्रभावमा पारिएको बताएका छन् ।

मृतकको साथमा गएका १७ वर्षीय सुरेश विकका अनुसार स्थानीयले भीरबाट लडेको बताए पनि लडेको जस्तो देखिने कुनै चोट निसान नभएको र १०० मिटर माथिबाट खस्दा पनि अंगभंग नहुनु वा ठूलो चोट नलाग्नु शंकास्पद भएको बताएका छन् । एक डेढ घण्टापछि भ्युटावरबाट साथीलाई खोज्दै जाँदा घटनास्थलमा प्रहरी आइपुगिसकेको सुनाएको स्थानीयले बताएका छन् ।

प्रकाशित मिति: शनिबार, माघ १९, २०८१ १२:३७