काठमाडौं । फिलिपिन्सको सत्ता संघर्षमा रोड्रिगो डुटर्तेको नाटकीय पतन भएको छ । आफ्नो ८० औं जन्म दिनभन्दा ठीक पहिले उनले लागू औषध र अपराधविरोधी अभियान मार्फत् आफ्नो देशको शुद्धिकरण गर्ने कसम खाएका थिए । तर, त्यो प्रतिवद्धता धेरै दिन टिकेन, अहिले आफैं हिरासत पुग्नु परेको छ ।
पूर्व राष्ट्रपति डुटर्तेलाई प्रहरीले हङकङबाट मनीला पुग्नेवित्तिकै पक्रिएको हो । जहाँ उनी आगामी मध्यावधि निर्वाचनमा उम्मेदवारी दिन ठूलो संख्याका फिलिपिनो प्रवासीमाझ समर्थन जुटाइरहेका थिए । अन्तर्राष्ट्रिय फौजदारी न्यायालयबाट उनको नाममा जारी वारेन्ट पहिल्यै फिलिपिन्स सरकारको हात लागेको थियो ।
लौरोको सहारामा विमानस्थलमा हिँडिरहेका बेला उनलाई पक्रिएर सुरुमा वायु सेनाको बेसक्याम्प लगिएको थियो भने हेग स्थित अन्तर्राष्ट्रिय फौजदारी न्यायालय (आईसीसी) लैजान एक चार्टर्ड जेट तयार पारिएको थियो ।
शक्शिाली तथा लोप्रिय मानिएका उनलाई अहिले अक्सर धेरैले ‘एशियाको ट्रम्प’ भन्ने गरेका छन् । उनका वकील र परिवारले भने गिरफ्तारीको कुनै कानूनी आधार नरहेको भन्दै विरोध गरेका छन् । कमजोर स्वास्थ्य अवस्था भएका उनको अति उपेक्षा गरिएको उनका कानून व्यवसायीले बताएका छन् ।
पदमा रहँदा उनले मार्कोस परिवारसँग गठबन्धन गरेका थिए । जो अपदस्त तानाशाह फर्डिनेंड मार्कोसका शिष्य मानिन्छन् । डुटर्तेले सन् २०२२ को चुनावमा भाग लिन सकेनन् । यद्यपि, उनकी छोरी सारा दक्षिणी शहर दावोकी मेयर बनिन् ।
निकै लोकप्रिय बेनकी सारा आफ्ना पिताको ठाउँ लिने बलियो दावेदार मानिए पनि फर्डिनेंड परिवारको दबदबा कायम रहयो । अब दुबै परिवार मिलेर सन् २०२८ को चुनाव लड्ने तयारी गरिरहेका छन् । जहाँ फर्डिनेंड मार्कोसका छोरा बोंगबोंगलाई राष्ट्रपति र सारालाई उप-राष्ट्रपति दिने सहमति छ ।
