नयाँ वर्षमा शिक्षकको कार्यक्रम : पार्टी सदस्यता जलाउने

शिक्षा

गृहपृष्ठ
शिक्षा

नयाँ वर्षमा शिक्षकको कार्यक्रम : पार्टी सदस्यता जलाउने

नेपालकभर आइतबार, चैत ३१, २०८१

काठमाडौं । विद्यालय शिक्षा ऐन जारी गर्न माग राखेर आन्दोलनरत शिक्षकहरूले पार्टी सदस्यता जलाउने कार्यक्रम आयोजना गरेका छन् । यथाशीघ्र विद्यालय शिक्षा ऐन जारी गर्नुपर्ने मागसहित आन्दोलन गर्दै शिक्षकहरूले नयाँ वर्षको अवसर पारेर पार्टी सदस्यता जलाउने कार्यक्रम राखेका हुन् ।

स्वतन्त्र शिक्षक समूहले नयाँ वर्ष अर्थात् २०८२ को वैशाख १ गते माइतीघरमण्डलामा पार्टी सदस्यता जलाउने कार्यक्रम राखेको हो । शैक्षिक क्षेत्र सुधारका लागि विशुद्ध शिक्षक बन्ने प्रतिवद्धता व्यक्त गर्दै उनीहरुले नयाँ वर्षदेखि विभिन्न नाम, उपनाममा आफुले लिएका जुनसुकै पार्टीका सदस्यता सडकबाटै त्याग गरेको घोषणा गर्ने र पार्टी सदस्यता जलाउने कार्यक्रम राखेका हुन् ।

सामाजिक सञ्जालमा उक्त विषय चर्चामा आएको छ । जसले गर्दा यतिबेला शिक्षकहरूबीच पार्टी सदस्यता जलाउने वा नजलाउने भन्ने विषयमा बहस सुरु भएको छ ।

कतिपयले यसको वैधानिक अस्तित्व के हो भन्दै प्रश्न गरेका छन् । बहुलीय व्यवस्थामा रहेको बताउँदै उनीहरूले स्वतन्त्र रहनु पनि व्यवस्था नमान्नु सरह हुने भनेका छन् । शिक्षक विद्यालय समयमा पेशाकर्मी हुन कुनै दलको विचार बोक्न नहुने स्वतन्त्र रहनुपर्ने तर, विद्यालय समय बाहेकका समयमा नागरिकको हैसियतले दलीय गतिविधिमा लाग्नु कुनै अपराध नभएको समेत जिकिर गरेका छन् ।

प्रकाशित मिति: आइतबार, चैत ३१, २०८१ १७:१४