एम्बाप्पेले रातो कार्ड पाएको खेलमा रियाल मड्रिड विजयी

खेल

गृहपृष्ठ
खेल

एम्बाप्पेले रातो कार्ड पाएको खेलमा रियाल मड्रिड विजयी

नेपालकभर सोमबार, वैशाख १, २०८२

काठमाडौं । स्पेनिस ला लिगा फुटबलमा रियाल मड्रिड विजयी भएको छ । रियालले अवे मैदानमा डोपोर्टिभो अलाभेसविरुद्ध १-० को जित निकालेको हो ।

रियाललाई जिताउन पहिलो आधा अर्थात् हाफअघि एडुआर्डो क्यामाविंगाले निर्णाय गोल गर्नुभयो । उहाँले ३४ औं मिनेटमा गरेको गोल नै रियाललाई जितका लागि पर्याप्त बन्यो ।

एडुआर्डोले गोल गरेको चार (३८औं) मिनेट मै केलियन एम्बाप्पे रातो कार्ड खाँदै मैदानबाट बाहिरिन पुग्नुभयो । एम्बाप्पेले एन्टोनियो ब्लेन्कोलाई हार्ड ट्याकल गरेको र असुरक्षा अनुभूति भएको भन्दै भीएआर फुटेज समीक्षाले एम्बाप्पेलाई खेलबाट बाहिर गरिदिएको हो ।

एम्बाप्पेले रातो कार्ड खाएको खेल जित्दै रियाल मड्रिडले शीर्ष स्थानको बार्सिलोनासँग अंक दुरी घटाएको छ । अब यी दुईबीचको अंकदुरी ४ अंकमा झरेको छ ।

शीर्ष स्थानमा रहेको बार्सिलोनाको ३१ खेलबाट ७० अंक छ भने समान खेलबाट रियाल मड्रिडको ६६ अंक भएको छ । तेस्रो स्थानको एटलेटिको मड्रिडको भने ६० अंक छ ।

आइतबार राती भएको खेलमा एम्बाप्पेले झैं घरेलु टोलीका मनु सान्चेजलाई समेत भीएआरले रातो कार्ड दियो । जस कारण दोस्रो हाफपछि दुबै टोली दाबाबमा रहे भने दुबैबाट पछि कुनै गोल हुन सकेन । ला लिगा मै ओसासुनाले गिरोनालाई २-० ले हरायो । एथ्लेटिक क्लबले रायो भायकानोलाई ३-१ ले पाखा लगायो ।

प्रकाशित मिति: सोमबार, वैशाख १, २०८२ ०६:२६