काठमाडौं । काठमाडौं महानगरपालिकाका मेयर बालेन साहले फिल्म ‘फर्की फर्की’को खुलेरै प्रशंसा गर्नुभएको छ । प्रिमियरमा पुगेरै मेयर बालेनले सामाजिक संजालमा खुलेरै प्रशंसा गर्नुभएको हो ।
फिल्म हेरेपछि बालेनले लेख्नु भएको छ, –‘एउटा नयाँ स्वादको फिल्म । साँच्चिकै सुन्दर फिल्म ।’ बालेन साहले फिल्म हेरेपछि मिडियासँग प्रतिक्रिया भने दिनुभएन । तर, बालेनले कमै मात्र फिल्मको यसरी प्रशंसा गर्ने गर्नुभएको छ । । उहाँले फिल्मको खुलेरै प्रशंसा गरेपछि फिल्मप्रति दर्शक आकर्षित भएका छन् ।
फिल्म ‘फर्की फर्की’ हेर्न पुगेका अधिकांशले खुलेरै प्रशंसा गरे । फिल्म हेरेपछि अधिकांशले यसको कथावस्तु, प्रस्तुति, निर्देशक सुयोग गुरुङको कामको प्रशंसा गरेका हुन् । फिल्म हेर्नेले नायक अनमोल केसीको कामको समेत खुलेरै प्रशंसा गरेका थिए । अनमोलले आफ्नो करिअरमै अहिलेसम्मको उत्कृष्ट काम गरेको प्रतिक्रिया अधिकांश फिल्मीकर्मीको थियो । फिल्म हेरेका ५ सय भन्दा बढी पाहुनाहरूले यसको मेकिङ, कथा, कलाकारको कामको दिल खोलेर प्रशंसा गरेका थिए ।
लामो समयपछि नेपाली फिल्मले एउटा फ्रेस कथा, उच्च क्यानभास र उत्कृष्ट अभिनयको समिश्रणमा फिल्म पाएको उनीहरुको भनाई थियो । नायक अनमोल केसीले यो फिल्मलाई आफ्नो करिअरको नयाँ आयम भन्ने गर्नु भएको छ । अनमोलको काममा मिहिनेत झल्किएको छ । नेपाली फिल्मले नयाँ निर्देशकको रुपमा सुयोग गुरुङलाई पाएको प्रतिक्रिया समेत फिल्मीकर्मीले दिए। दोस्रो फिल्ममै सुयोगले आफूलाई अब्बल रुपमा प्रस्तुत गर्नुभएको छ ।
नायिका जसिता गुरुङ, नव कलाकारद्वय रवि काफ्ले र समृद्धी अर्यालको अभियन समेत सबैले मन पराएका छन् । शुक्रबारदेखि बक्स अफिसमा प्रदर्शन हुन लागेको यो फिल्मले उल्लेख्य कमाई गर्ने प्रक्षेपण गरिएको छ ।
