संसदमा पेश हुने बजेट र मध्यकालीन खर्च संरचना पारित

अर्थ

गृहपृष्ठ
अर्थ

संसदमा पेश हुने बजेट र मध्यकालीन खर्च संरचना पारित

नेपालकभर मंगलबार, जेठ १५, २०८१

काठमाडौ । राष्ट्रिय योजना आयोगको पूर्ण बैठकबाट सरकारको वार्षिक विकास कार्यक्रम र तीन वर्षे मध्यकालीन खर्च संरचना पारित भएको छ । मंगलबार प्रधानमन्त्री प्रचण्डको अध्यक्षतामा प्रधानमन्त्री तथा मन्त्रिपरिषद्को कार्यालय सिंहदरबारमा बसेको आयोगको पूर्ण बैठकले बजेटसँगै संसदमा पेश हुने वार्षिक कार्यक्रम तथा मध्यकालीन खर्च संरचना पारित गरेको हो ।

बजेटसँगै संसदमा टेबुल हुने भएकाले हरेक वर्ष वार्षिक विकास कार्यक्रम र तीन वर्षे मध्यकालीन खर्च संरचना बनाएर राष्ट्रिय योजना आयोगको पूर्ण बैठकले पारित गर्ने गरेको छ । आयोगका अनुसार सरकारले ल्याउने बजेटमा वित्तीय अनुशासन कायम हुने, विनियोजन दक्षता पूर्णरुपले पालना हुने, संस्थाहरूले गर्ने खर्चको क्षमता अनुसार नै बजेट विनियोजन गर्ने गरी सुनिश्चित गरिएको छ ।

बैठकमा प्रधानमन्त्री प्रचण्डले हरेक वर्ष सरकारको नीति तथा कार्यक्रम र बजेटबीच तादम्यता नमिलेको गुनासो आउने गरेको भन्दै यो वर्ष त्यस्तो नहुने बताउनुभयो । कसरी हुन्छ नीति तथा कार्यक्रममा मिल्ने गरी जनमुखि बजेट निर्माणका लागि आफूले भनेको र सोही स्ट्रिटमा अर्थमन्त्री वर्षमान पुनले बजेट तयार गरेको प्रधानमन्त्री प्रचण्डले बताउनुभयो ।

बैठकमा आयोगका अध्यक्ष तथा प्रधानमन्त्री प्रचण्डसहित, आयोगका उपाध्यक्ष डा.मीनबहादुर श्रेष्ठ, अर्थमन्त्री वर्षमान पुन, मुख्यसचिव वैकुण्ठ अर्याल, तथा आयोगका सदस्य र सदस्य सचिव लगायत उपस्थिति हुनुहुन्थ्यो ।

प्रकाशित मिति: मंगलबार, जेठ १५, २०८१ १३:०७

प्रतिक्रिया दिनुहोस्